L’equipa Ensemble Contunhem Lairac
Una equipa pluriala, sans etiqueta politica, compausada de nombrosis elegits sortents e de navèths venguts, de monde dambe competéncias vertadèras e que sas opinions rebaten la diversitat de la societat lairaquesa.
Chantal CASTAING
Quadre-secretària medicau
50 ans
Lairaquesa dumpuèi 30 ans. Dumpuèi 2008 adjunta au Maire e vici presidenta deu Centre Comunau d’Accion Sociala (CCAS). Presenta dens mèi que d’una comission municipala, notadament « Administracion Generala », « Associacions », « Enfància Joenessa ». Sòcia titulària de la comission permanenta de l’aglomeracion d’Agen « Coesion Sociala » e de la comission « Plie » d’Aglò emplec (Plan Locau ende l’Insercion e l’Emplec). Sòcia deu Conselh d’Administracion de l’ADMR, clavaira de las associacions « Syllabe », « Soins 2000 » e ostau d’aculh « Les Hirondelles » A sabut donar un navèth ample au pòle sociau en tot participar activament a la creacion deu RAM Cantonau (Relai d’Assistènta Mairala) e a la mesa en plaça deu servici Aglò emplec. Es tanben a l’iniciativa de nombroses eveniments :
- Remesa deus Liberòts A aus navèths vasuts de la comuna.
- Manifestacion « Octòbre Ròse » (Prevencion deu cancèr de la popa)
- Desvelopament deu ligam intergeneracionau peu biais d’accions coma lo Téléthon, de vrespada « Quina » en ligason dambe l’ALSH, o en partenariat dambe la MSA, l’organiza-cion de talhièrs memòria e « melhor viver au quotidian »
"Entornejada d’una equipa de las competéncias multiplas, afirmi ma volentat de responer a las esperanças deus Lairaqués. Emplegarei tota mon energia e l’experiéncia qu’èi coma elegida ende la mesa en òbra d’un programa qu’avèm volgut tant ambicios coma realista, dambe de realizacions concretas. Es ensemble que bastirem l’avénguer de Lairac !"
Laure MERCERON
Encargada d’estudis abitat
46 ans
Adjunta au maire dumpuèi 2008 dens los maines de l’urbanisme e de l’abitat, designada conselhèra comunautària a l’Aglomeracion d’Agen de 2008 dinc a 2012. A l’origina de l’estudi urban de revitalizacion deu centre-borg e nomnada cap d’aqueth projècte. Investida dumpuèi fòrça annadas dens la vita associativa, es a l’iniciativa dau grop de corraires a pè « las 1000 pautas ».
"Perqué decidii d’èster aus costats de Chantal Castaing ? Ende contunhar mon investiment municipau e adujar Chantal Castaing a vénguer la « purmèra dauna » de Lairac. "
Elisabeth MANACH
Adjunta de direccion
55 ans
Elegida dumpuèi 2008, Maire Adjunta dumpuèi 2012.Sòcia deu conselh d’administracion deu CCAS dumpuèi 2008, Sòcia deu Burèu (Segretària) de l’associacion la man parada / la main tendue, deu Burèu de l’ofici de torisme (clavaira) de 2010 a novembre de 2012. Comencèt la restructuracion de l’ofici de torisme e a botat en plaça los utis ende assanir e clarificar las relacions entre la mairia e lo comitat de las hèstas, obrèt tanben ende la reconeishença de Lairac coma siti Clunisian.
"Trabalhi dambe Chantal dumpuèi 2008, m’a vagat d’aver una idèia precisa de sas qualitats umanas e professionalas. Ten aqueth petit qaucòm de mèi que hè la diferéncia : es una bona persona, es end ‘aquò que l’èi sostenguda e que la sostenguerèi totjorn."
Lionel BLACHERE
Agricultor
51 ans
Conselhèr municipau de 1995 a 2008, puèi dumpuèi 2012. 15 ans de temps pompièr volontari. Lairaqués dumpuèi totjorn.
"Costegi Chantal Castaing dumpuèi plan d’annadas. Ei aimat sa facultat d’escota deu monde, sa volentat de har çò de mèi ende responder a çò que vòlen. Sui solide que botarà son nhac au servici de la comuna e de sos abitants."
Simone MARMIESSE
Retirada Banca Postala
76 ans
Conselhèra municipala dumpuèi 2008, sòcia de la comission financias. Clavaira de l’associacion "Génération Mouvement" (ancian club deus ainats ruraus). Sòcia deu burèu (secretària) deu club de scrabble. Ei dens l’organizacion de la hèsta de las mametas dumpuèi qu’es creada.
"Lo club deus ainats e lo CCAS trabalhan ensemble dumpuèi 2008. Dens aqueste quadre avèm nosat Chantal e jo de ligams de hidança e d’amistat. Pòrti la candidatura de Chantal per que me pensi que pòt estar un bon maire ende Lairac."
Sébastien ROSSETTO
Agen t de colècta Aglo
25 ans
Conselhèr municipau dumpuèi 2012, èra de la lista de la majoritat de 2008. Mèi d’una annada ei estat iniciator benevòle de la seccion tennis de l’Amicala Laica.
"Tot mon sosten es ende Chantal Castaing per que, en mei, a un vertadèr esperit de menaira. Sap federar son equipa dambe inteligéncia, respèct, estrambòrd. Sui solide que saberà botar sas qualitats au servici deus lairaqués".
José BARADA
Responsable securitat a la Pòsta
48 ans
Lairaqués dumpuèi 10 ans. Estot conselhèr delegat de 2008 a 2012, essencialament suu maine escòla / arcuelh de leser (notadament portaire de la represa per la mairetat de l’estructura cantina / gardaria / ALSH), tanben comunicacion (una de las cavilhas deu Layraquais) o tanben en ligame dambe las associacions. Membre o simpatizant actiu de mantuna associacion (La Récré/Marcat de Nadau, Ofici de Torisme, Comitat de las Hèstas…).
"Èi causit de sosténguer Chantal Castaing per afinitat de punt de vista e fidelitat end’era e fòrça colistèrs que l’entornejan, pr’amòr que cresi a son coratge e sa competéncia, e qu’a una vertadèra vision d’avénguer per Lairac."
Floriane BOT
Estudianta en Dret public
24 ans
"Participar a la vita de la comuna es juste lo prolongament logic de mos estudis. Coneishi plan Chantal, a lo coratge de se har portar en politica, que son gaire enqüera anuèit las hemnas que gausan, la sosténguer en estar sus la lista ende jo es evidéncia."
Nicolas CASTET
Animator territoriau
36 ans
Proprietari a Lairac dumpuèi 2009, es estat animator, au dedens d’un servici joenessa (estructura adò, Conselh Municipau de joens, director d’un centre de leser). Possèda una fòrta experiéncia de la fonccion publica a trabalha adara a la mairetat d’Agen, au servici comunicacion, en carga deus grans eveniments de la vila, deus embessonatges e d’un siti internèt dedicat aus joens.
"Deicidèi de m’investir dens la vita de nòsta comuna, a causa que sabi ben lo mòde de fonccionament de l’administracion e desiri méter mas competéncias amèi mon saber au servici deus abitants de nòste vilatge. Me retrobèi dens lo devís de Chantal Castaing, partatgi sas idèias e sas conviccions ende melhorar la vita a Lairac au delà de tota tendéncia politica."
Charles BEYNARD
Retirat deu bastiment e de l'industria
61 ans
Lairaqués dumpuèi 38 ans, es retirat deu bastiment e de l’industria. Las shèis purmèras annadas d’existéncia de la ninèra es estat sòci deu burèu.
"Es en legir los bulletins municipaus qu’èi descobèrt Chantal Castaing e lo ròtle que jogava dens la municipalitat. Ei end’aquesta rason qu’èi decidit de la sosténguer que sèi solide qu’es capabla de vénguer la purmèra hemna maire de Lairac aquí estant son experiéncia e sas competéncias que deijà sabot provar."
Gèli GRANDE
Retirat de la Pòsta
60 ans
"Víver e trabalhar au país (ende nosauts ací en Gasconha) es la rason màger de mon engatjament ciutadan dens lo moviment Bastir ! en favor de la lenga, de la cultura mèi de l’economia occitanas. Tot de long de l’istòria occitana, de las hemnas coma Alienòr d’Aquitània, Joana de Labrit o Olimpia de Gojas sabón quora las-i calèva gahar son destin en mans. Doman ende tots los Lairaqués, Chantal Castaing sarà a la hautor deu prètz-hèit que l’espèra, e sarèi jo a son costat."
Laura GUILLOT
Ajuda mairala
25 ans
Installada a Lairac dumpuèi 2011. Ajuda Mairala Agradada dumpuèi lo 12 de julhet 2013. Titulària d’un diplòma BEP/CAP Petita Enfança. Sa prioritat es de s’investir dens lo maine dau servici a la persona.
"Tròbi Chantal dinamica, avinenta, dens lo cas de gerir la vila de Lairac. Tot aquò m’incitèt a m’inscríver sus sa lista."
Thierry HUE
Ensenhaire
53 ans
Regent 53 ans. Lairaqués dumpuèi 1992 es estat conselhèr municipau de 1995 a 2001. Es estat sòci de nombrosas associacions (Rondas ciclistas, Teatre …) es regent especializat dumpuèi 2005. Defensor dumpuèi pausa de la lenga e de la cultura occitanas. Autor de libres de poesia en francés e creator de la quatrina (que coma cadun ac sap es la fimèla deu quatrain)
"Per que soi vengut damb l’equipa de Chantal Castaing ? Es una equipa tant simpatica coma competenta que m’i senti plan au bèth mièi. Un mescladís subtiu de monde que vòlen çò melhor ende lor car vilatge en demorar disponibles e abordables."
Jean-Michel KNOP
Retirat de banca
64 ans
Maire-adjunt dumpuèi 2008, l’adjunt dempuèi 2013, mèi particulariament en carga de l’administracion generala, de l’enfança-joenessa, de las associacions amèi de la comunicacion. Es a l’origina de mantuna realizacion, tau coma las airas de jòcs, lo Conselh Municipau deus dròlles, de las convencions Assò, la gestion deu prèst deu materiau comunau, deu Telethon, e bien d’autas. Sans oblidar nòste bulletin municipau Le Layraquais dens sa fòrma d’anuèit.
"Èi causit de sosténguer Chantal Castaing pr’amòr que provèt pendent son mandat de Maira-Adjunta qu’avèva lo capatge apuèi las competéncias requesidas ende menar e gerir una equipa, amèi ende vénguer en cap de nòste programa ."
Jérôme BENOIT
Encargat d’estudis environament
35 ans
Lairaqués de soca passèt tota sa joenèssa a Lairac. Conselhèr delegat en 2008, adjunt au maire dumpuèi 2012 endeus transpòrts, desplaçaments, agricultura e desvelopament durable, a permes la mesa en plaça deus transpòrts urbans sus nòsta comuna. Anuèit es en carga de la mesa en aplicacion deu navèth esquema de collecta de las cascantissas menatgièras e deu costat « desvelopament durable » deu centre borg. Obrèt tanben ende har reconeisher una autra tralha ende la LGV. Vèn de tornar prénguer la responsabilitat de la seccion tennis de l’amicala laica après l’aver quitada i a gaire de temps apuèi 15 ans de benevolat.
"Chantal Castaing es lo purmèra hemna que se hèi portar end’estar Maire. Es lo signe de quauqueren de navèth ende Lairac. Lo temps deu mandat passat damb son escota, sa volentat, sas qualitats e sas competéncias mostrèt que podèva dirigir e menar una equipa. Una equipa plurala fondada sus çò d’uman. Una equipa que vòu har puslèu que de prométer."
Alexandra RAUZIERES
Comptabla
36 ans
Lairaquesa dumpuèi 2007, salhida de lista 2008, estot conselhèra delegada a las finanças dumpuèi 2013. Tanben mamà, estot presidenta de la grèpia deus « Lutins », e vici-presidenta de la seccion tennís.
"Una defenicion ende Chantal Castaing : hemna activa e competenta.Perqué Chantal Castaing : pendent son mandat, a sabut probar son engatjament per nòsta comuna. A las capacitats per fin de menar e dirigir una equipa, a travèrs un programa que nos sembla e que nos assembla."
Pascal FREMAUX
Collaborator Ciliopée Habitat
46 ans
Lairaqués dumpuèi 20 ans. Es Secretari deu club de tennis, conselhèr municipau dumpuèi 2008, sòci de la comission « abitat ».
"Tròbi que la candidatura de Chantal es federatritz. Ei una hemna joena, moderna, sincèra e dinamica que pòrta d’espèr ende nòste vilatge. S’a sabut entornejar d’una equipa solida, experimentada que sa diversitat e sa pluralitat se remarcan."
Marguerita PELLICHERO
Mesteriau
51 ans
Arribada a Lairac quand hasèva los 14 ans. Hè l’artesan-Taxi. Es conselhèra municipala dumpuèi 2008.
"Chantal es una hemna inteligenta, determinada, valenta. èi aimat son trabalh, son investiment ende melhorar la qualitat de vita deus Lairaqués, sa conèishença deus afars, son engatjament sincèr ende sa vila. Sèi fièra d’estar dambe èla."
Nadine AUTHIER
Regenta
35 ans
Lairaquesa dumpuèi 10 ans, es ensenhaira a l’escòla publica d’Astafòrt. Mamà de dus mainatges escolarizats a Lairac, es membra de l’Associacion deus Parents d’Escolans.
"Èi causit de sosténguer Chantal Castaing pr’amòr qu’es una hemna que sa mira n’es pas de clancanar."
Christine CARDOT
Emplegada de banca
45 ans
Lairaquesa dumpuèi 2 ans. Ei sòcia deu grope de correires de pè « las mila pautas / les 1000 pattes ».
"Sui venguda dambe Chantal Castaing per que ei aimat son estrambòrd e sa determinacion ende har avançar Lairac."
Magalie CASSINA
Assistanta d’educacion
26 ans
Lairaquesa dumpuèi totjorn, estot assistanta d’educacion au collègi Teofile de Viaut pendent 5 ans, adara mair au larèr. Participèt a la creacion de l’associacion los « Z’Ados » apuèi es membra de l’associacion « Los Amics de Golens ».
"Èi deicidat de m’implicar dens la vita de ma comuna. Causii de sostenir Chantal perqué partatgi la mèma vision de las causas, apuèi sustot Chantal es fòrça umana e a l’escota de las personas."
Janine CAZES-GRANDE
Retirada de l’ensenhament
68 ans
A trabalhat dens l’ensenhament espacializat e s’investís actualament a l’Ofici de Torisme de Lairac amèi au CCAS.
"Au CCAS, èi lo plaser d’apreciar las qualitats de seriós e d’arsec de Chantal. Alavetz persiéguer lo camin dambe era capvath las municipalas ne pòt èster que positiu."
Frédéric DELMAS
Tecnician BMS UPSA
40 ans
Titulari d’un BTS Productica, exèrça en çò deus laboratòris BMS UPSA dumpuèi 1997 en qualitat de Conductor de Procediment de Condicionament.
"En tant que navèth abitant de la comuna de Lairac, causii de sosténguer Chantal Castaing per manta rason, sa volentat de hargar una equipa fondada sus la diversitat e sans etiqueta politica es la màger. Que, au-delà de l’apartenença ad un partit politic que se vòu reductor, l’etiqueta neutra s’orienta mèi de cap a l’interèst d’un cadun".
Robert GRYGIER
Retirat
66 ans
Lairaqués dumpuèi 2011. Retirat dumpuèi 6 ans de las professions : Rotièr internacionau pendent 10 ans apuèi monitor d’autò-escòla.
"Coneishent Chantal Castaing dumpuèi mèi de 25 ans e sas qualitats professionalas, n’èi pas trantalhat a me júnher a sa lista. Son implicacion dens la comuna de Lairac, m’incita a pensar qu’es fortament capabla d’èster au cap de la Mairetat."
Isabelle GUIMARD
Cap d’enterpresa mesteriau
45 ans
Lairaquesa dumpuèi 2007, maire de dus dròlles de 8 e 10 ans. Es sòcia de l’associacion deus parents d’escolans a la rentrada de 2007 (presidenta tres ans puèi un an secretària). Apuèi s’es investida dens la seccion tennis en se cargar de la comunicacion (revista intèrna : maqueta, redaccionau e fotòs), recèrca de partenaris e arbitratge. Isabelle creèt son entrepresa de cartaria creativa en 2012 : creacion artesanala de cartas e assabers personalizats.
"Èi volgut rejúnher l’equipa de Chantal Castaing per que sui convencida que son experiéncia e tanben la de tota nòsta equipa es un atot màger ende nòsta comuna. Sarèi personalament mèi atentiva a tot çò que tòca los navèths ritmes escolars, l’accessibilitat deu centre borg ende tots nòstes conciutadans, lo desvelopament deu comerci locau e la mesa en valor de nòste patrimòni."
Virginie MALEZIEUX
Referent tecnic fonccionau
34 ans
Lairaquesa dumpuèi 9 ans, mair de dus dròlles escolarizats, 3 ans de temps es estada sòcia de l’associacion deus parents d’escolans e de la ninèra.
"Èi causit de sosténguer Chantal Castaing pr’amòr qu’es una hemna dinamica e cresi en sos projèctes ende lo ben estar de nòste vilatge."
Sergio PIMENTA
Obrèr agricòu
40 ans
Lairaqués dumpuèi 2006, viu en coble apuèi es pair de 2 dròlles. Vasut en Angolà, quitèt plan d’ora aqueth país en guèrra civila per rejúnher Portugau. Lèu s’investiguèt dens la Juventude Social Democrate. A 23 ans immigrèt en França ende trabalhar purmèr en arboricultura puèi dens un maine viticòu en agricultura biologica. Talinèt pas a reprénguer d’estudis per correspondéncia en francés end’ obténer un bac prò en viticultura. Venguèt francés de nacionalitat en 2010.
"Sui vengut sus la lista de Chantal per portar ma contribution ende Lairac e anar cap aus autes. Aimi aquesta lista de la compausicion variada e menada per una hemna d’experiéncia que coneish las responsabilitats."